entzumen-osasuna

entzumen-osasuna_

Ikusi entzumen-osasunean adituak diren gure profesionalek ematen dizkizuten iritziak, aholkuak eta gomendioak. Zuretzat eta maite dituzun pertsonentzat erabilgarria izatea espero dugun informazioa:

1. Ez jasan denbora luzean eta hurbiletik zarata ozenak, hala nola herrietako jaien petardoak egiten dutena.

2. Hurbileko hizketak ezin badituzu jarraitu, jaitsi musika edo telebistaren bolumena.

3. Murriztu entzungailuekin entzuten duzun musikaren denbora.

4. Ez zaitez bainatu ur zikinetan.

5. Ez zaitez uretan zakarki murgildu.

6. Bainatu ondoren, lehortu belarriak ondo.

7. Belarriak lehortzeko ez dugu kotoi-zotzak edo objektu zorrotzak erabiltzea gomendatzen.

8. Erabili entzunbidera guztiz egokitzen diren neurrira egindako babesgarriak, material hipoalergenikoz egindakoak, hala nola tapoiak.

9. Neurrira egindako tapoiak zaindu, garbitu eta egoera onean mantendu behar dira.

10. Ondoezen bat agertzen bada, joan zaitez espezialistarenera.

1. Neguan neurriak hartzea gomendatzen dugu, defentsak baxuak daudelako eta infekzioak errazago hartzen ditugulako.

2. Saihestu haizea eta hezea, zure belarrien osasunerako kaltegarriak izan daitekeelako. Hotza egiten duenean, belarriak gehiago zaindu behar ditugu.

3. Saihestu bat-bateko tenperatura-aldaketak, katarroak, otitisak edo belarrientzat kaltegarri izan litezkeen bestelako infekzio motak eragin ahal dituztelako.

4. Erabili belarri-babesak edo artilezko txanoak. Tenperaturak baxuak direnean, belarriak babestu behar dira.

5. Tenperatura baxuen ondorioz belarria handitua badaukagu, ur beroz betetako poltsa bat erabili dezakegu kanpoaldean hantura murrizteko.

6. Jarraitu B-12 ugari duen dieta; bitamina hau nerbio-sistema eta belarrietarako ona da, eta elikagai mota askotan aurkitu dezakegu: esnean eta esnekietan, arrautzetan, gibelean, haragi gorrian, aloe veran, algetan edo polenean, esate baterako.

7. Mantendu higiene ona itsas ur barreiagailuak erabiliz.

8. Belarriak lehortzeko ez dugu kotoi-zotzak edo objektu zorrotzak erabiltzea gomendatzen.

9. Ez hartu sendagaiak zure kabuz. Minen bat sentitzen baduzu, joan zaitez espezialistarenera eta honek zure kasurako tratamendu egokia emango dizu.

10. Otitis edo belarriko beste edozein infekzioren bat izan ondoren egin azterketa bat infekzioak entzumenean eraginen bat izan duen ala ez egiztatzeko.

Entzumen-gabeziak dituzten pertsona askok ez dute audifonorik erabiltzen. Entzumen-gabeziak dituztela onartzen dutenetik espezialistarenera joaten diren unera arte 7 urte inguru igaro ohi dira.

Egindako merkatu-ikerketaren arabera, arrazoirik garrantzitsuenak honako hauek dira:

  • Audifonoak eskuratzeko prozesua luze eta zaila da.
  • “Audifonoak oso garestiak dira”.
  • Ez dira prest sentitzen, besterik gabe.
  • Audifonoak ezin dira egoera espezifikoetan erabili.
  • “Audifonoak konplexuak dira”.
  • Audifonoak eramatea ematen dien itxura: “zaharragoak” dirudite

Gaur egungo entzumen-sistemei eta horien teknologia eta itxurari esker, jendeak audifonoei buruz dauzkan ideia zahartu horiek ahazten ari da.

Gure bizitzan zehar, soinuen eraso etengabea jasaten dugu: eskolan, etxean, lanean eta kaleratzen garen bakoitzean. Batzuetan soinuak hain ozenak direnez, entzumena kaltetzen dute.

Gaur egun, ia 50 urte baino gehiagoko pertsonen artean, bitik batek zarata dagoenean besteek esaten ari direna entzuteko zailtasunak dituzte, eta baliteke pertsona-kopuru hori etorkizunean handitzea.

Gazteek entzumena aurreko belaunaldiek baino azkarrago galtzeko arriskua daukate, musika ozen entzuten dutelako eta ingurune zaratatsuetan egon ohi direlako.

Zarata ozenak maiz entzuten dituen pertsona bazara eta zure entzumenak kezkatzen bazaitu, egin urtero entzumen-azterketa bat zure audiologo-protesigilearekin. Audiologo-protesigile batek ordu bat baino gutxiago irauten duen minik gabeko entzumen-proba bat egin diezazuke, kezkatzeko arrazoiak dauden ala ez aztertzeko.

Oso zaratatsua den lekuren batean lan egiten baduzu,proba hori gutxienez urtean behin egin beharko zenuke. Horrela, zure audiologo-protesigileak emaitzak konparatu ahal izango ditu eta aldaketen bat egonez gero, jakinaraziko dizu.

Ez ahaztu entzumenak ikasten, lana aurkitzen, familia bat osatzen eta adiskidetasun iraunkorrak sortzen laguntzen digula. Entzumena zaintzea funtsezkoa da.

Soinu batek 85 dB SPL gainditzen baditu, kaltegarritzat sailkatzen dugu. Adibideak:

  • Murmurioa = 30 dB.
  • Rock kontzertu bat edo taberna baten giroa = 100 dB.
  • Trafiko handiko egoera = 85 dB.
  • Petardo bat = 150 dB.

Edozein soinu ozenekiko esposizioa kaltegarria izan daiteke. Zarata ozenegia bada, honako sintomak izango dituzu:

  • Ezingo dizu beste pertsonek esaten dutena entzun, nahiz eta haiek zure ondoan egon.
  • Leku zaratatsu batetik irteterakoan belarrietako mina izango duzu.
  • Zarataren eraginpean zauden bitartean edo horren ondoren txistu edo burrunba bat entzungo duzu.
  • Zarataren eraginpean egon ondoren, beste pertsonen hizketak entzungo dituzu, baina ez zara esaten dutena ulertzeko gauza izango.

Zarata ozenetatik babesteko aholkuak.

  • Eraman beti babesgarriak belarrietan. Nahiz eta pixka bat deserosoa izan, eta berdin dio besteek arraroa ikusten dela edo behar ez dela badiote.
  • Ingurune zaratatsuetan zaudenean, saiatu zaitez ahal duzun guztietan belarriek atseden hartu dezaten.

Beste babes-neurriak.

  • Egon zaitez zarata-iturritik ahal duzun bezain urrun, eta zarataren bat ozenegia denean, urrundu zaitez.
  • Etxean jaitsi irratia, telebista edo musika-ekipoaren bolumena.
  • Murriztu batera piztuta dauzkazun gailu zaratatsuen kopurua.
  • Erosi isilagoak diren produktuak: alderatu igortzen dituzten dezibelioak; zenbat eta dezibelio gutxiago, hobeto.
  • Erabili belarrietarako babesgarriak posible den heinean.
  • Bat-bateko zarata ozenak entzuten badituzu (mailu elektriko batek egiten duen modukoa), estali belarriak eskuekin edo sartu atzamar bat entzunbide bakoitzean.

Musika-erreproduzitzaileak erabiltzeko hiru aholku.

  • Ez erabili inoiz musika-erreproduzitzailea gehieneko bolumenaren % 60 baino gehiagorekin.
  • Ez erabili musika-erreproduzitzaileak egunero 1 ordu baino gehiago.
  • Kanpoko entzungailu barrubigunak erabiltzea belarrian sartzen diren entzungailu txikiak erabiltzea baino hobea da.

Erantzun honako galdera guztiei

  • Taldeko hizketak jarraitzeko zailtasunak dituzu?
  • Hitzak askotan errepikatu behar dizkizute?
  • Telebistaren bolumena gainerako familia baino altuagoa jartzen duzu?
  • Jendeak zure inguruan xuxurlatzen duela sentitzen duzu?
  • Telefonoz esaten dizutena ulertzea kostatzen zaizu?
  • Belarrietan zaratak edo burrunbak entzuten dituzu?
  • Ate edo telefonoaren txirrina entzuteko zailtasunak dituzu?
  • Umeen ahotsak entzutea zaila da zuretzat?

2 galdera edo gehiagotan baietz erantzun baduzu, gure denda batera berehala joatea komeni zaizu entzumen-azterketa osoa egin dezazun, horiek entzumen-galera baten lehen sintomak izan daitezkeelako.

Bi belarrien entzumenari esker, soinu-iturria ezagutu dezakegu: soinua nondik etortzen den, zein distantziatik hitz egiten diguten edo errepidea gurutzatzean autoa nondik etortzen den.

Egian esan, entzuten dutenak ez dira gure belarriak, baizik eta burmuina. Hori dela eta, soinuak zuzen interpretatzeko, jasotzen duen informazioa ahalik eta zehatz eta xeheena izan behar da. Horregatik, zure entzumen-galerak belarrietan eragina badauka, hobe da bi audifono erabiltzea.

Hona hemen moldaketa binaural baterako 21 arrazoi

  1. Soinua garbiagoa izango da.
  2. “Audifonoak oso garestiak dira”.
  3. Pozago sentituko zara.
  4. Soinu estereoez gozatuko duzu.
  5. Entzutea errazagoa izango da.
  6. Erantzuna naturalagoa izango da.
  7. Zure entzumena 3D izango da eta norabide guztietan entzun ahal izango duzu.
  8. Ingurunearekin kontaktuan zaudela sentituko duzu.
  9. Ez duzu “hobea” den alderik izango.
  10. Eguna amaitzerakoan ez zara hain nekatuta egongo.
  11. Inguru zaratatsuetan ulermen hobea izango duzu.
  12. Mugikorrak jotzen duenean errazago aurkituko duzu.
  13. Kalitate handiagoko soinuaz gozatuko duzu.
  14. Soinuak bilatzeko gaitasuna hobetuko duzu.
  15. Hitz egitean konfiantza handiagoa izango duzu zuregan.
  16. 2 belarriak eta burmuinaren 2 hemisferioak sasoian edukiko dituzu.
  17. Erosotasun handiagoa sentituko duzu, bolumena ez duzulako hainbeste igo beharko.
  18. Soinuen aukera zabalagoa entzungo duzu, eta xehetasun gehiago bereiziko dituzu.
  19. Soinuak nondik datozen jakin ahal izango duzu, baita nora begiratu beharko duzun ere.
  20. Mintzamena hobeto bereiziko duzu; hori hitzak ulertzeko beharrezkoa den lehen urratsa da.
  21. Mintzamena eta hizketak hobeto ulertuko dituzu.
  22. Burmuinean soinuak hobeto interpretatzeko, informazioa ahalik eta zehatz eta xeheena izan behar da; zertarako gainkargatuko beharko genuke burmuina?

Audifonoak erabiltzea benetan pozgarria izan daiteke: pentsatu gozatu ahal zenituzkeen egoera berri guztiak. Beti erabili behar duzu zure entzumen berriari moldatzeko. Laster ikusiko duzu zeinen erabilgarria den.

  • Ahaztu zenituen soinu asko ezagutuko dituzu berriro.
  • Gaur egungo teknologiari esker, ahalegin handirik egin gabe berriro soinuei buruz ikasiko duzu.
  • Soinu berriak erregistratuko dituzu, eta zure burmuina laster hasiko da horiek prozesatzen.
  • Bolumena altua dagoela uste baduzu, zure burmuina nahi gabe bolumen baxuago batera moldatu delako da. Orain jatorrizko mailara moldatu beharko zara berriro.

Ondo hasteko aholku onak.

  • Eraman audifonoak jarrita hasieratik ia egun osoan zehar.
  • Erabili egoera isiletan eta egongelan gauzatzen diren banakako hizketetan.
  • Entzun irratia edo telebista.
  • Erabili familia- eta lagun-bileretan, etxean zein jatetxe batean. Egoera hori zailena izan liteke. Baliteke hasieran besteek esaten duten guztia entzutea ez lortzea, baina denbora pixka bat igaro ondoren, gero eta errazagoa dela ikusiko duzu.

Audifonoek eskaintzen dituzten entzumen-soluzioez gozatzeko erarik onena horiek erabiltzeko, zaintzeko eta mantentzeko jarraibide egokiak jarraitzea da; horrela, audifonoen iraupena eta funtzionamendua luzatuko dituzu.

Garbiketa:

  • Audifonoak egunero garbitu behar dira, batez ere erabilera bakoitzaren ondoren.
  • Ez itzazu detergente, olio edo urarekin garbitu.
  • Erabili bakarrik audifonoak zaintzeko espezifikoak diren produktuak.

Hezearen aurkako babesa:

  • Ez ahaztu igeri egin edo dutxatu baino lehen audifonoak kentzen.
  • Saiatu audifonoak ez erabiltzen transpirazio gehiegi sortu dezaketen kirolak egiten dituzun bitartean.
  • Ez erabili laka edo lurrinen moduko aerosolak audifonoak jarrita dauzkazunean.
  • Gauez, utzi itzazu ontzi batean pastilla lehorgarriekin edo hezetasun-kengailu batean.
  • Egiaztatu audifonoen soinu-irteera eta kendu egunero bertan geratu litekeen edozein ezko-pilaketa.

Bestelako gomendioak:

  • Audifonoak erabiltzen ez dituzunean, mantendu pilen atala irekita pilaren iraupena luzatzeko.
  • Mantendu audifonoak garbi eta lehor denbora guztian.
  • Saihestu muturreko tenperaturak: ez utzi audifonoak eguzkitan, ezta berogailuaren gainean edo hotz asko egiten duen lekuan.
  • Babestu itzazu kolpe eta erortzeetatik.
  • Erabiltzen ez badituzu, gorde itzazu kaxan.

Zerbitzu pertsonalizatua: Audiologoak zure kasua arretaz aztertzea eta zure bizimodu eta beharren arabera aholkatzea ezinbestekoa da konponbiderik onena aurkitzeko

Produktuaren ezaugarriak: Gaur egungo teknologiari esker, lehen imajinatu ere ezingo genituzkeen egoeretan entzun eta ulertu dezakegu orain. Gaur egun, audifonoek hainbat ezaugarri digital dauzkate nahi dugun guztia ulertu dezagun. Ezaugarririk garrantzitsuenen artean, honako hauek aurkitu ditzakegu:

  • Zarata-erreduktoreak:
    • Zarata leunak: Intentsitate gutxiko zaratak, denboran zehar luzatuak, hala nola haizagailuak, hondoko hizketak...
    • Zarata iragankorrak: Intentsitate handiko zaratak, denbora-epe labur batean gauzatzen direnak, esate baterako danbatekoak, kolpeak...
    • Haizeak egiten duen zarata: Bere izenak dioen bezala, intentsitate handiko haizeak egiten duena.
  • Norabidetasuna: soinuen iturria aurkitzeko eta alboko zaratak iragazteko.
  • Soinu-konpresorea: Zure beharren gainetik anplifikatzea saihesteko.
  • Konpresioa eta maiztasun-transposizio: Entzumen hobea duten maiztasunera eramaten dute soinu anplifikatua.
  • Antifeedback edo soinu-ezabatzailea: Audifonoen txistu gogaikarriak ekiditen dituzte.

Horiek dira ezaugarririk ezagunenak, baina ez dira dituzten bakarrak, gaur egungo audifonoak potentzia handiko ordenagailu txikiak baitira, segundoko ehunka mila eragiketa egin ahal dituztenak helburu bakar batekin: zure inguruan gertatzen dena entzun eta ulertu dezazula.

Konektagarritasuna: Gaur egun dagoeneko audifonoen bidez esku libreko telefono bat izango balitz bezala hitz egin dezakezu, musika edo telebista entzutea... Nahi duzun guztia entzun dezakezu zuzenean zure belarrietan zailtasunik gabe Microaudio markaren audifonoen teknologiari esker (audifonoetara eramaten duen esteka)

Gogobetetze-bermea: Edozein arrazoirengatik zure audifonoetara moldatzen ez bazara, zuretzat onena den konponbidea aurkitzeko konpromisoa hartzen dugu, bai audifonoari beharrezkoak diren aldaketa guztiak eginez bai, nahi izanez gero, zure dendan ezarritako epearen barruan audifonoen zenbatekoa itzultzea

Frogaldia: 30 eguneko epea daukazu audifonoak probatzeko; denbora-epe egokia da, kasu gehienetan, bezeroek audifonoen abantailak lehen astean zehar ikusten dituztelako

Bermea hedatzea: Microaudio markako zenbait produktuetan 5 urtera arteko bermea eduki ahal izango duzu, gainerako produktuetan, ordea, 2 urteko bermea izango duzu fabrika-akatsen kontra. Horrela, audifonoak ondo zaintzen badituzu, denbora luzeagoz erabili ahal izango dituzu

Saldu ondoko zerbitzua: Nazio-lurraldean zehar kokatuta daudenen artean edozein Multiópticas dendara joan zaitezke. Multiópticas dendara aurretiko hitzorduarekin beti joatea gomendatzen dugu, baina hori posible ez bada, denboratxo bat izango dugu zu laguntzeko

Hasteko, jakin behar duzuna, zein entzumen-galera mota duzun eta audifonoak zertarako erabiliko dituzun da. Zure ohiko audiologoak hori aztertu ondoren, zure beharretara hoberen egokitzen diren audifonoen aukera ikusi dezakezu. Multiópticas dendetan urte osoan zehar kalitate oneneko audifonoak 700 €tik aurkituko dituzu.

Gainera, kanpainen sustapen-epeetan audifonoak erosterakoan dirua aurrezteko eskaintzak aurkituko dituzu.

Kaleko zarata dela eta ezin duzu lo egin?

Belarrietarako tapoiak oso konponbide ona dira. Lo egiten duzun bitartean erosoago egon zaitezen espezifikoki sortu dira. Zenbait frekuentzia entzutea ahalbidetzen duen iragazkia dakarte, hala nola haurtxo baten negarra, atearen txirrina edo iratzargailua, baina beste batzuk, ordea, murrizten ditu, esate baterako trafikoak egiten duen zarata. Tapoi arruntak eta neurrira egindakoak dauzkagu; azken hauen gomendatzen dizkizugu, zuretzat espezifikoki sortutako produktu bat direnez, guztiz pertsonalizatuta egongo direlako eta horrela tapoi arruntekin baino emaitza hobeak lortuko dituzulako.

Zarata asko dagoen lekuan lan egiten badut tapoiak behar ditut?

Bai, neurrira egindako tapoiak probatzea gomendatzen dizugu. Zure belarriaren formara moldekatzen direnez, belarriak isolatuko dituzte, baita entzumenerako kaltegarriak diren zaratetatik babestuko ere.

  • Entzumen-galera transmisiboa: errazagoen orekatu daitekeen galera da, eta kanpo- edo erdi-belarriko anomaliak dela eta gauzatzen da.
  • Entzumen-galera neurosentsoriala: kasu hauetan emaitza onak lortzeko ezaugarri digital aurreratuak erabiltzea beharrezkoa da, eta galera hau barne-belarrian aurkitzen da.
  • Entzumen-galera mistoa: galera hau arruntena da, eta bai transmisiboaren bai neurosentsorialaren hainbat ezaugarri konbinatzen ditu.